Duket se debatit politik në Kosovë, i është bashkangjitur dhe imam Shefqet Krasniqi, figurë e njohur fetare, i cili njihet për deklarimet e tij që më pas kthehen në debate publike. Ndërkohë që ish-kreu i Vetëvendosjes Albin Kurti ndodhet në burg për shkak te mos lejimit te punimeve te Parlamentit ne Kosove, imam Krasniqi ka deklaruar në një variant “profetik” se ai një ditë do të jetë kryeministër i Kosovës ose president. Këtë opinion, ai dha gjatë një emisioni pas pyetjes së një personi rreth asaj që Albin Kurti ka theksuar se do të lejojë bartjen e shamive në institucionet shkollore kur forca e tij politike të udhëheqë Kosovën. “Imam Shefqet Krasniqi është parë me respekt nga disa figura politike, siç është ish-kryeparlamentari Nexhat Daci; po ish-kryeparlamentari tjetër, Jakup Krasniqi; ish-ministrja e sot kryekomunarja e Gjakovës, Mimoza Kusari-Lila; e padyshim Albin Kurti.” – shkruan TeSheshi.com. Nje zhvillim i tille i mundshëm tregon se Kosova nuk po ecën ne shembullin e Shqiperise e cila është praktika e pare ne rajon e shtetit laik pas rënies se Perandorisë Otomane. Kjo qe nje zgjedhje e mencuar e shqiptareve te cilën e ruajmë edhe sot ne Republikën e Shqipërise dhe ku na e njohin ndërkombëtarisht si vlere. Vazhdimi i kësaj praktike te Shqipërisë ku shteti është i ndare qartazi nga Feja, do te duhej ne te mire te saj dhe te te gjithe shtetasve ta mbante deri ne fund edhe Kosova.
