Nga Perparim Kabo
6 Janar 1882, Lindi Fan Noli…Sa e thua këtë emër vemendja ngrihet, kujtesa jep materialin e saj arkivor, ndërgjegjia bën bilancet historike, kultura tregon majat ku mbriti, demokracia kërkon fillesat, marrdhëniet me kulturën botrore takojnë një dishepull të tyre me gjak shqiptari e dashuri prej atdhetari, dhe me kulturë prej perëndimori. Sigurisht që në këtë ditë të Kryqit në Ujë…pak ose aspak do kujtohen për Fan Nolin…mbase institucionet që mbajnë emrin e tij si psh një Universitet Publik, porse dëshira për të mos mbajtur mend, për të harruar dhe braktisur çdo gjë është sëmundje e kujtesës sonë institucionale.
Ai ndroi jetë në 1965, pra vitin që shkoi kishte 50 vjetorin…heshtje, asgjë për të, Ministria e Kulturës pushim…po pse xhanëm gjithë ky vullnet negativ, kjo sjellje harbute, ky qëndrim prej snobësh? Ka vetëm një emër “të pakulturuar”!…Imzot të faleminderit për gjith çkeni bërë e keni shkrojtur, e mbi të gjitha për inicimin e Kongresit të Beratit për autoqefalinë e Kishës Orthodokse Shqiptare.
Kohët e fundit jo pa shkak lexove sërish Hamleti shqipëruar nga Ju…kishte ardhur në Shqipëri Theatri Londrës Globus dhe e vuri në skenë…e ja dua të të kujtoj një pjesë nga tragjedia që hapet me deklaratën e Princit kur thotë, “ Danimarka është një burg”…kuptohet se pushteti ishte marrë me tragjedi, dashuria ishte vjedhur me poshtërësi…dhe gjatë zhvillimit të ngjarjeve mos harrojmë atë që thotë Shekspiri në gojë të Hamletit se “pushteti më i fuqishëm është krimibi që na ha të gjithëve kur i shkojmë dheut..” Imzot të lutem një meshë, të lutem thirre një mesh për ne mëkatarët toksorë…!
PK 6 janar 2016
