Kokëdhima sfidon PS-në: Më tregoni statutin që më përjashtoi dhe rrëzoni vendimin!

Kokëdhima sfidon PS-në: Më tregoni statutin që më përjashtoi dhe rrëzoni vendimin!

0
Kryeministri Edi Rama dhe deputeti i PS, Koco Kokedhima, duke hyre ne nje mbledhje te Asamblese Kombetare te Partise Socialiste, PS, e cila eshte mbledhur per zgjedhjet e reja ne parti dhe per rinovimin e strukturave dhe anetaresimeve te reja. /r/n/r/nPrime Minister Edi Rama and lawmaker Koco Kokedhima, during a meeting of the National Assembly of the Socialist Party.

Ish-deputeti i PS-së, Koço Kokëdhima, ka zbuluar shkresën zyrtare dërguar më 5 janar 2017, ku kërkoi nga kreu i PS-së, Edi Rama dhe sekretarit te Përgjithshëm, Gramoz Ruçi, që të shpjegonin ligjërisht dhe juridikisht se ku ishte mbështetur shkarkimi i tij nga funksioni i Sekretarit për Reformën Strukturore dhe Emigracionin si edhe futjen jashtë rendit të ditës dhe votimin për përjashtimin e tij nga anëtar i Asamblesë Kombëtare të PS-së.

Kokedhima publikon shkresën dërguar më 27 Dhjetor 2016 në adresë të Komisionit të Garancive Statutore të Partisë Socialiste të Shqipërisë, me objekt “Kërkesë për interpretim dhe gjykim”, lidhur me shkarkimin e tij dhe përjashtimin nga Asambleja Kombëtare e PS-së.

Më poshtë është kërkesa e plotë e z. Kokëdhima drejtuar Komisionit të Garancive Statutore të PS.

“Kërkesa e parë: 

Në cilësinë e Anëtarit të Partisë Socialiste të Shqipërisë dhe të kongresit të saj, ju kërkoj të interpretoni situatën aktuale kur nuk kemi të qartë se kush është statuti i Partisë Socialiste të Shqipërisë. Siç jeni në dijeni, Kongresi i marsit të vitit 2016, shfuqizoi Statutit e mëparshëm dhe miratoi Statutin e ri në parim. Ky Kongres, la detyrë që në mbledhjen e parë të Asamblesë Kombëtare pas tij, të miratohej drafti i Statutit të ri. Aktualisht qarkullojnë 3 drafte.

Kujt prej tyre t’i referohem unë për nevojat që kam si anëtar i Partisë Socialiste?

Cilin prej tyre ju e konsideroni si Statut të Partisë Socialiste në fuqi?

Me cilin Statut funksionon aktualisht Partia Socialiste e Shqipërisë, ndërkohë që janë zhvilluar 2 mbledhje Asamblesh Kombëtare pas Kongresit në fjalë?

Kërkesa e dytë:

Në mbledhjen e Asamblesë Kombëtare të datës 23 Dhjetor 2016, është vendosur shkarkimi im nga Anëtar i Asamblesë. Ky vendim është tërësisht i gabuar dhe i paligjshëm.

Unë e kam mësuar këtë gjë nga mediat, sepse nuk kam qenë prezent në mbledhje gjatë kohës që është marrë ky vendim, i cili nuk ka qenë i përfshirë në rendin e ditës së Asamblesë Kombëtare. Kam kërkuar gojarisht të më vihet në dispozicion vendimi i Asamblesë, por deri më tani nuk më është dhënë.

Ne ditët e ardhshme do t’i kërkoj edhe me shkrim. Pavarësisht kësaj, nisur nga të drejtat e mia,  Ju kërkoj ta shqyrtoni dhe ta rrëzoni këtë vendim si të pabazuar në Statut, të pabazuar në procedura, të pabazuar në përmbajtje, si një vendim absolutisht të pavlefshëm.

Kur të kem marrë në dorë dokumentat e Asamblesë, do t’ju paraqes parashtrimet e mia më të plota”.

Share:
Reklama juaj

NO COMMENTS

LEAVE A REPLY