Një javë larg hyrjes në Shtëpinë e Bardhë, Donald Trump ka inkurajuar sot ministrat e tij të shprehen lirisht, pasi krerët e tij të ardhshëm të diplomacisë dhe Pentagonit janë veçuar nga presidenti i zgjedhur në çështjet e politikës së jashtme.
Në një nga mesazhet e tij në “Twitter”, presidenti i 45-të i SHBA-së, që do të marrë funksionet më 20 janar, bëri përgëzime që “të gjithë anëtarët e kabinetit të tij japin një përshtypje të shkëlqyer dhe bëjnë një punë të mirë”.
“Dua që ata të qëndrojnë vetvetja dhe të shprehin këndvështrimet e tyre, jo të miat!”, theksoi Donald Trump në mesazhin e tij.
Ministrat që ai ka zgjedhur në dy postet më të rëndësishme, Punët e Jashtme dhe Mbrojtja, e kanë kundërshtuar hapur në shumë dosie strategjike gjatë paraqitjes së tyre këtë javë para Senatit që pritet t’i konfirmojë në këto pozicione.
