Deputeti i Partisë Socialiste Pandeli Majko ka reaguar në lidhje me publikimin e fotografisë nga ana e djalit të tij Gjergjit në rrjetet sociale, e cila u bë lajm në të gjitha portalet shqiptare.
Përmes një postimi në Facebook, Majko sqaroi se kjo fotografi është keqinterpretuar nga disa portale, të cilat janë shprehur se djali i tij i është bashkuar protestës së PD.
“Një foto e djalit tim e nxjerrë në rrjetet sociale nga pedagogia e tij për përkrahjen e protestës së opozitës ka krijuar keqinterpretime. Dëshiroj të marr përgjegjësinë time si prind përballë cdo socialisti dhe djemve e vajzave që besojnë tek Partia Socialiste. Sepse përgjegjësia në cdo rast është edhe e imja. Edhe, pse fotoja është bërë në një mejdis humori dhe miresjelljeje. Ka gjëra me të cilat humori është i tepërt.” shkruan Majko.
