Autobusi i linjës Fier-Përmet është përfshirë nga flakët në ecje e sipër, po fatmirësisht pa dëme në njerëz. Informacionet paraprake të policisë së Fierit bëjnë të ditur se rreth orës 09.05 autobusi AA 502 BE, duke udhëtuar me pasagjerë nga Fieri për në Përmet, në fshatin Malas të Mallakastrës ka marrë flakë në ecje e sipër.
Pasagjerët kanë zbritur të gjithë nga autobuzi dhe nuk kanë probleme për shëndetin. Në vendngjare kanë shkuar shërbimet zjarrfikëse dhe shërbimet e policisë. Paraprakisht dyshohet se mjeti ka marë flakë në ecje e sipër si pasojë e një difekti teknik.
Po punohet nga grupi hetimor për zbardhjen e shkaqeve të renies së zjarrit.
