Home KRYESORE Rama për marrëveshjen me Bashën: Pse nuk jemi armiq

Rama për marrëveshjen me Bashën: Pse nuk jemi armiq

Kryeministri Edi Rama në një takim elektoral në Shëngjin të Lezhës ka komentuar marrëveshjen e arritur me Bashën. Mes të pranishmëve kreu i qeverisë pohoi se PD nuk është armike e qeverisë dhe se kjo e fundit nuk ka krijuar asnjëherë debat dhe armiqësi.

“Të ndalemi tek marrëveshja. Unë e mendoj ashtu siç e the ti (i drejtohet një nga të pranishmëve). Sigurisht që është një ngjarje që ka ndodhur në rrethana specifike dhe u krijuan rrethanat. Dhe gjithë ajo mbarsje tensioni dha produkt pozitiv. Në këtë kuptim njerëzit të paktën e kuptuan se s’jemi armiq të palës tjetër.

Nëse ka pasur politika shumë armiqësi, nuk ka qenë investimi ynë në armiqësi. Jo se dua të heq pjesë të përgjegjësi të palës tonë, apo të timen për të gjithë atë vijë të gjatë tensioni. Por nuk kemi qenë ne ata që kemi nxitur. Kam shpresë se zgjedhjet të përfundojnë dhe të jenë të pakontestuara dhe kush humbet të përgëzojë fituesin.

Kjo ishte dhe arsye se pse unë nuk pata asnjë hezitim që PD ti ketë gjithë sytë e veshët në administratë dhe të kontrollojë dhe të shoh se gjithë ajo paranojë se shteti vë njerëzit në rresht dhe ushtron presion, nuk është realiteti jonë. Ka dhe fenomene të tilla”, tha Rama./360grade.al/

Share: