Kur bëhet fjalë për industritë, në Wall Street mbizotërojnë meshkujt. Pra kjo tregon se pjesa më e madhe e njerëzve mendojnë se meshkujt janë investitorë më të mirë.
Por sipas një studimi kjo rezulton e gabuar. Sipas të dhënava të reja financiare të gjigandit Fidelity Investments, gratë në fakt janë cilësuar investitoret superiore.
Në hulumtimin e më shumë se 8 milion llogarive investimesh, Fidelity zbuloi se gratë jo vetëm që kursejnë më shumë se burrat, 0.4 për qind por edhe investimet e tyre fitojnë më shumë në vit se investimet e meshkujve, gjithashtu 0.4 për qind.
“Miti që burrat janë investitorë më të mirë është pikërisht kjo – një mit”, është shprehur kështu Alexandra Taussig zëvendës presidentja e Fidelity për gratë investitore.
Këto dallime mund të duken vogëlsira në fillim por shtrirja e tyre në afatgjatë në kursime dhe investime dhe pabarazia e daljes në pension është çdo gjë përveçse e vogël.
Për një 22 vjeçar që fillon me një pagë 50,000 dollarë në vit, një investitore femër do ta kalonte homologun e saj mashkull me 250,000 dollarë.
Anketa e Fidelity “Gratë dhe Paratë” e cila i kërkoi pjesëmarrësve se cila gjini gjini është më e mirë në investimin e parave dhe vetëm 9 për qind e njerëzve thanë gratë.
Por çfarë është ajo që i bën pikërisht gratë investitore më të mira?
Një faktor, tha Fidelity është se meshkujt kanë 35 për qind më shumë gjasa të bëjnë tregti që do të thotë se tarifat e tregtimit shkatërrojnë portofolin e tyre më shumë se portofolin e grave.
Një tjetër avantazh është se gratë ndërmarrin më pak rreziqe të tilla si mos investimi tërësisht në aksione, por një diversifikim më të zgjuar portofoli./dita.al
