Nga Ilir Demalia
Dje në emisionin “Të paekspozuarit”, Fatos Lubonja solli pseudonimin ideologjik të Ismail Kadares. Ky pseudonim është thënë edhe më parë dhe, nuk ishte diçka e re për ata që kan njohur jetën politike letrare të Tiranës së viteve 70-90 ku shkrimet ideologjike në damkosjen e Perëndimit dhe rrymave dekadente në art, politik, kulturë ishin të dielave në gazetën “Drita” dhe shpesh dhe ne “Zërin e Popullit” me emrin Gent Arbana që ishte Ismail Kadare.
Këtë e dinte kryetari Lidhjes Shkrimtarëve, e dinte kryeredaktori “Dritës” dhe ZP, e dinte llogaria e këtyre gazetave ku Kadare merrte honoraret për shkrimet e Gent Arbanës. Këtë e dinin shkrimtaret që hynin e dilnin ne Lidhjen e Shkrimtarëve, e dinin anëtarë e byrosë, e dinin të gjithë.
Ku është “çudia”?
1. Dje gazetaria jonë e mjerë u turr ta quaj këtë si nje zbulim të ri, si pseudonim të Sigurimit Shtetit për Kadaren duke treguar injorancën provincale që ka zaptuar gazetarinë shqiptare dhe scoop-et duke manipuluar fjalët e Lubonjës.
2. Imoraliteti intelektual dhe i shoqërisë sonë për të fshehur dhe manipuluar të vërtetën qëndron në atë; se kur të gjithë e dinë se kush është Gent Arbana, asnjë nga këta nuk flet dhe vetë Kadare nuk e përmend. Asnjë gazetar deri me sot nuk e ka pyetur njëherë, (me të drejtë e kërkon Lubonja) A je ti Gent Arbana?
Po te hapen periodikët e gazetave Drita dhe ZP të viteve 70-90 aty do te gjenden me dhjetra shkrime me nënshkrimin e Gent Arbanës pseudonimin ideologjik të Ismail Kadares dhe do të kuptojmë më shumë rreth shkrimtarit tonë te madh
I.D
