Partia Socialiste i është drejtuar sot Gjykatës Kushtetuese me padi, ku kërkon heqjen e mandatit të kryebashkiakut demokrat të Mallakastrës, Agron Kapllanaj.
49 deputetë të Partisë Socialiste i janë drejtuar Kushtetueses dy ditë pasi kërkesën e tyre e rrëzoi Komisioni Qendror i Zgjedhjeve.
“Agron Kapllanaj është i dënuar për vjedhje me 2 vjet burg, dhe ne kërkuam pavlefshmërinë e mandatit të tij, por vetëm se përfaqëson PD, Klement Zguri zgjodhi të mos i heqë mandatin”,- tha depuetja e PS, Klotilda Ferhati.
