13 urat e shembura dhe pamjet apokaliptike nga Shqipëria nuk i kanë shpëtuar syrit të medieve ndërkombëtare, të cilat duket se i kanë nxjerrë bojën publikisht të gjithë politikanëve shqiptarë.
“Stuhitë e mëdha paralizojnë Shqipërinë” titullohet shkrimi i publikuar nga gazeta prestigjoze amerikane, “Washinton Post”, e cila e përshkruan rrëzimin e urave, sikur të ishin kuti kartoni. “Asociated Press” nga ana tjetër shkruan se 127 mijë shqiptarë janë pa energji elektrike si pasojë e defekteve të shkaktuara nga përmbytjet.
“Autoritetet kanë dërguar 570 trupa ushtarake dhe 900 mjete motorike në ndihmë të banorëve që janë prekur nga moti i keq”, raporton agjencia më e madhe informative në botë. Ndërkohë përmbytjet dhe evakuimet masive kanë tërhequr edhe vëmendjen e mediave aziatike
Gazeta më e madhe kineze, ‘Xinhua News’, shkruan: Reshjet e mëdha dhe stuhitë që përfshinë Shqipërinë në dy ditët e fundit kanë shkaktuar përmbytje masive në të gjithë vendin me autoritetet që njoftuan të premten se qindra qytetarë u evakuuan”.
Nga ana tjetër, prishja e tre urave në Devollin e Sipërm duket se pasqyruar vecantërisht në Chron.com,një nga portalet ,më të mëdha që publikojnë informacione nga e gjithë bota, i cili shkruan se: Vërshimi i përrenjve që zbresin nga mali i Morganes shembin dhe nxjerrin jashtë funksionit 3 ura në Dropullin e Sipërm në Gjirokastër. Këto fashtra janë të banuar kryesisht nga banorë të minoritetit etnik grek.
Shembja e Urës së Pllatanjasë, Urës së Mullirit dhe Urës së Koshovicës kanë shkaktuar ndërprerjen e plotë të lëvizjes se automjeteve dhe izolimin e fshatrave Selo, Klishar, Llongo, Koshovicë, Sotire, Krioner, Likomil dhe Llovinë”. Edhe pse ditën e sotme duket sikur situata është vëne disi nën kontroll, dëmet materiale në pjesët më të mëdha të vendit janë të jashtëzakonshme./360grade.al
