Home KRYESORE Vdiq këngëtari i njohur francez Johnny Hallyday në moshën 74 vjeçare

Vdiq këngëtari i njohur francez Johnny Hallyday në moshën 74 vjeçare

0

Përgatitur nga Diana Skrapari

Këngëtari francez Johnny Hallyday vdiq natën në moshën 74 vjeçare. Ai ishte i sëmurë me kancer të mushkërive dhe luftonte me sëmundjen për më shumë se një vit. Ishte gruaja e tij Laeticia njoftoi vdekjen e këngëtarit, në orën 3 të mëngjesit.Ata njiheshin prej 20 vitesh dhe kishin adoptuar dy vajza me origjin vietnameze.

“Johnny Hallyday u largua”. “Unë i shkruaj këto fjalë pa besuar. Dhe megjithatë kjo ka ndodhur. Burri im nuk është më. Ai na lë sonte dhe ai ka jetuar gjatë gjithë jetës së tij, me guxim dhe dinjitet. Deri në momentin e fundit, ai qëndroi guximtar kundër kësaj sëmundje që e brente për muaj të tërë, duke na dhënë të gjithëve mësime të jashtëzakonshme të jetës. Zemra e tij rrihte fortë në trupin e një rokeri që jetoi një jetë të tërë pa koncesion për publikun e tij, për ata që e adhurojnë atë dhe ata që e duan “shkruan gruaja e tij Laeticia. Ajo e adhuronte Johnny pavarërisht differences së madhe të moshës që kishin.

Emmanuel Macron i bëri homazh Johnny Hallyday duke thënë se “ne kemi të gjithë dicka të këngëtarit “, në një deklaratë të lëshuar nga Elysee. “Johnny Hallyday-in,  ne nuk do t’i harrojmë as emrin, as gojën, as zërin, e as sidomos interpretimet, të cilat, me këtë liricizëm të papërpunuar dhe të ndjeshëm, i përkasin sot plotësisht historisë së këngës franceze. Ai solli një pjesë të Amerikës në panteonin tonë kombëtar “, shton teksti.

Pavarësisht nga sëmundja e njoftuar në mars, këngëtari 74-vjeçar kishte plotësuar angazhimin e tij gjatë turit të Vieilles Canailles në qershor dhe korrik, me miqtë e tij Jacques Dutronc dhe Eddy Mitchell. Në javët e fundit, ai po përpiqej të jepte lajme qetësuese për shëndetin e tij në rrjetet sociale, nëpërmjet gruas së tij dhe atyre që ishin rreth tij. Disa herë në spitale, vitet e fundit, “idhulli i të rinjve” ishte vendosur në koma artificiale në Los Anxheles në dhjetor të vitit 2009, pas komplikimeve pas operimit të një hernie diskale dhe më pas u deklarua të jetë afër vdekjes.

Nga Jean-Philippe Smet në Johnny Hallyday …

Jean-Philippe Smet, emri i tij i vërtetë, lindi më 15 qershor 1943 në Paris, me një baba belg dhe një nënë franceze. Prindërit e tij u ndanë kur ai ishte shumë i ri. Midis 1945 dhe 1949, ai u rrit në Londër së bashku me dy kushërirat e tij valltare. Njëra prej tyre, Desta, do të martohet me një “interpretues” amerikan me të cilin do të interpretojë në duet, dhe emri i skenës i të cilit e frymëzoi: Lee Halliday. Ai ishte figura atërore e këngëtarit të ardhshëm dhe ai e ka quajtur atë Johnny dhe e ngjiti në skenë në moshën nëntë vjeçare midis dy numrave të “Halliday”.

Kur u kthye në Paris, pas marrjes së mësimeve në teatër, vallëzim dhe kitarë, Jean-Philippe Smet ëndërron kinemanë dhe Rock ‘Roll, muzikë që ai zbulon falë dërgesave të familjes së tij në Amerikë.

Idoli i të rinjve

Në vitin 1958, ai do të dilte në skenë në atë vend që ishte në atë kohë tempulli i rock-ut francez: Golf-Drouot. Në këtë sallë koncertesh legjendare do të krijojë miqësi të pathyeshme me zëra të tjerë me të ardhme të madhe të skenës franceze: Eddy Mitchell dhe Jacques Dutronc …

Në skenë, ai përshtatet me standardet amerikane dhe sukseset e Elvis Presley. Programi Salut les copains e bën të njohur këngëtarin 17-vjeçar.  Nga “galat e para” vazhdojnë “Souvenrs, souvenirs” në vitin 1960, Johnny Hallyday fillon lëvizjet e para të turmës.Ai do të martohej me një këngëtare franceze me origjinë bullgare Sylvie Vartan me të cilën ai do të kishte një djalë, David Hallyday. Ai do të martohej më pas me aktoren Nathalie Baye me të cilën do të kishte vajzën Laura Smet, e cila është aktore. Ai u martua për herë të tretë me Laeticia Hallyday dhe bashkë adoptuan dy vajza nga Vietnami.

 Legjenda vazhdon …

Shumë shpejtë këngëtari bëhet një ikonë “Yéyé” e një rinie të shkëputur nga Franca e gjeneralit de Gaulle. Ai do të bëjë një këngë në vitin 1962: Idoli i të rinjve(Idole des jeunes). Fillimi i një karriere që do të zgjasë 57 vjet …

Gati 60 vjet karrierë

Kujtime, kujtime (souvenirs, souvenirs), Mbajeni natën ( retiens la nuit), Dëshirë ( L’envie), Ndizni zjarrin ( Allumer le feu) … Johnny ka kaluar epokat dhe ka shitur 110 milionë disqe. Që nga viti 1960, data e titullit të tij të parë, ai nuk do të largohet nga skena, as nga studiot. Këngëtari do të publikojë 50 albume dhe do të regjistrojë 1000 tituj në 57 vjet karrierë. Albumi i tij i fundit “De l’amour” (2015),është  “më personal” sipas mendimit të artistit, dhe tani tingëllon si një testament.

Johnny Hallyday ka për të mbetur i paharruar për të gjitha brezat që adhurojnë muzikën franceze. Ai do të mbetet në panteonin e muzikës franceze si përfaqësuesi i saj më i denjë dhe që pushtoi skenat botërore. Idhulli i të rinjve u largua nga kjo jetë, por trashëgimia e tij muzikore do të mbetet e përjetshme. Ai ngjalli zjarrin për muzikën franceze duke u bërë ambasadori i saj në botë… /Perqasje.com

Share:
Reklama juaj