Home KRYESORE Fotoja historike e ‘91/ Sali Berisha zbardh bisedën me Edi Ramën: Pse...

Fotoja historike e ‘91/ Sali Berisha zbardh bisedën me Edi Ramën: Pse nuk u pranua në PD

0

Lideri historik i PD, Sali Berisha ka rrëfyer dje edhe njëhere historinë e krijimit të Partisë Demokratike dhe rrëzimin e diktaturës në ’91. Në një intervistë në “Studio e Hapur” iu paraqit edhe një foto ku ka dalë me Edi Ramën në vitin 1991, Berisha tregoi se çfarë i kishte thënë Edi Ramës dhe pse ai nuk u pranua në parti asokohe.

Çfarë po diskutonit në këtë fotografi?

SALI BERISHA: Asgjë nuk harroj unë, ky është mitingu që Rama erdhi në legalizimin e PD. Rama nuk ishte në ditët e protestës, ka qenë në Korfuz se kishte një ekspozitë, e kishin nis për ta larguar nga problemi. U kthye, erdhi në mbledhje, e nxori Gramoz Pashko jashtë nga mbledhja, se u soll shumë harbut, dhe ishte i veshur me këpucë zbori, me çorape të leshta, dukej kukubet. Pashko tha nuk e duroj dot kështu.

Çfarë ndodhi, u zhduk nuk erdhi më. Kur vjen ditën e mitingut dhe më kërkon, dua të flasim më tha. I thashë të vërtetën, më vjen keq por është përcaktuar se kush do flasë. Unë nuk mundem dhe këtë po i shpjegoj. Nuk mundem ta prish këtë protokoll. Ky siç e ka zakon, këputi dhe një të sharë dhe u largua me Ardianin. Ndërkohë që iku dhe s’u duk më. E kam takuar dhe njëherë tjetër. Më 15 janar zhvillohet një miting me institucionet artistike të Tiranës në sheshin “Italia”. Ky erdhi me Kasem Trebeshinën dhe Ardian Klosin. Ky nuk çonte fjalë përpara por vinte papritur. Do flas tha se ju nuk flisni si duhet. Unë do them që nga një komunist të varet në shtyllë. I thashë po babën ku do e varësh. Në shtyllë tha. I thashë atëherë shko dhe krijo partinë e varjes në shtyllë. E lashë të fliste, nuk tha ato, tha na skuqi si kinezët…

Sapo unë sulmova Enver Hoxhën, sigurimi i shtetit me malavitën që kishte mbledhur u fut dhe çau në dysh mitingun. Pastaj ka ardhur, hera e tretë dhe e fundit, në një takim me intelektualët e Tiranës. Aty i janë përveshur intelektualët dhe jo Sali Berisha. I është ngritur e ndjera Fatbardha Shkupi dhe i ka thënë Edi Rama të kërkosh ndjesë për persekutimin që më ka bërë Kristaq Rama mua, për pasoja e atij persekutimit dhe pastaj të vish të më japësh leksione mua. Është ngritur dhe ka ikur.

ENI VASILI: Kishit nevojë për Ramën?

SALI BERISHA: Për të gjithë kishim nevojë , ne nuk ja mbyllëm dyert po ai me platformë ultra-radikale, aty mori përgjigje.

Share:
Reklama juaj