Home KRYESORE Parate e Lobimit ne USA, Manjani: Kulmi! Kësaj i thonë të blesh...

Parate e Lobimit ne USA, Manjani: Kulmi! Kësaj i thonë të blesh qeder me paret e tua

0

Ylli Manjani ish-ministri i Drejtësisë pranon se partitë politike japin para për të bërë lobing në SHBA. Por sipas tij nuk është veç PD por edhe PS e LSI. I revoltuar shprehet se këto jane para të shpenzuara kot dhe partitë nuk i kanë parë të mira, veç sherrit.

Statusi i plotë i tij në facebook

PS, PD e LSI duhet të kuptojnë se nuk vlen asnjë cent i shpenzuar për sekserët amerikanë, që njihen si Lobbistë!

Asnjë cent!

Me aq para sa shpenzohet për lobime turlillojesh, partitë mund të paguanin shqiptarë të mençur që kanë ide e prodhojnë programe politike e qeverisëse! Mund të paguhen stafe e bëhen sondazhe e aktivitete pa fund, këtu në Shqipëri, për Shqipërinë e shqiptarët!

E papranueshme që paguhen sekserë e shkrime dashakeqëse në amerikë, për Shqipërinë e shqiptarët.

Do ti kishim paguar me qejf aq para për lobbim, nëse të paktën Amerika të na pranonte pa viza.

Por edhe lobbing edhe viza, kjo është idiotësi e pa masë e partive tona.

Lobbing për çfarë?! A mos po shtohen turistët amerikanë në Shqipëri?! Apo po shtohen Investimet Amerikane?!

Shifrat tregojnë të kundërtën.

Atëherë përse?!

E pafalshme që harxhohen para nga ekonomia jonë e varfër për të paguar amerikanë, që të na akuzojnë për propagandë se qenkemi edhe rusë.

Kulmi! Kësaj i thotë të blesh qeder me paret e tua!

E gjitha kjo për të shmangur vemendjen nga trafiku qeveritar i drogës; grabitjet e ngjarjet kriminale të përditshme; nga koncensionet shkatërrimtare të ekonomisë e nga korrupsioni galopant në vend.

Harxhohen para për propagandë dhe anti propagandë.

Në fund fitojnë sekserët (lobbistë), por qartësisht humbet Shqipëria.

Kjo është politika!

Turp!

Share:
Reklama juaj