Home KRYESORE Revista franceze fut në sherr Francën me Turqinë

Revista franceze fut në sherr Francën me Turqinë

Revista javore franceze “Le Point”, ka vendosur në ballinë një fotografi të Erdoganit në edicionin e saj të 24 majit me titullin ‘diktator’.

“Diktatori: Sa larg mund të shkojë Erdogan” ishte titulli i plotë.

Por ky titull i ka kushtuar “Le Point” një seri kërcënimesh nga mbështetësit e Erdoganit. Ka reaguar edhe presidenti francez, Emanuel Macron, i cili ka thënë se ‘kërcënimet ndaj revistës janë totalisht të papranueshme”.

“Nuk mund të vendosni çmim për lirinë e shprehjes, pa lirinë e shprehjes, një vend është diktatorial’, ka shkruar Macron.

Ndërkohë, ndaj kësaj ka reaguar Ministria e Jashtme turke.

“Demokracia nuk nënkupton të prekësh limitet atje ku të tjerët fyhen, me një diskurs ofendues dhe me gënjeshtra”, thuhet në reagimin e Ministrisë së Jashtme.

“Ajo që po ndodh aktualisht, është hipokrizi”, thuhet tutje në reagim.

360grade.al

Share: