Home KRYESORE Temat e diplomave në Shqipëri blihen vetëm me një klikim

Temat e diplomave në Shqipëri blihen vetëm me një klikim

Tashmë një temë diplome në vendin tonë mund të blihet fare thjesht, vetëm nëpërmjet rrjeteve sociale, me një mesazh të vetëm.

10 mijë lekë të reja nëse e përzgjidhni vetë, në të kundërt 13 mijë lekë të reja. Përfitojnë 20% ulje të gjithë ata që prenotojnë temën e tyre për në shtator

Ndryshe nga vite më parë, ku impenjimi i studentëve për të përgatitur një temë diplome ishte i madh, sot vlera e saj është venitur.

Ofertat për shitjen e diplomave variojnë që nga çmimet deri në zgjedhjen e temës, duke e kthyer këtë mënyrë në një biznes shumë fitimprurës.

Pedagogët shprehen jashtë kamerave se punimet akademike janë në rrezik të pashmangshëm ndaj plagjiaturave për shkak të zhvillimit të internetit, pasi nga ana tjetër mungojnë filtra për të certifikuar apo vërtetuar autorësinë. Këtë problematikë e pohojnë edhe vetë studentët, duke treguar disa nga arsyet pse zgjidhet kjo mënyrë diplomimi.

Ky fenomen nuk ekziston vetëm në Shqipëri, por në mbarë botën.

Megjithatë ndryshe nga vendi ynë, jashtë zgjidhja është gjetur me hapjen e databaseve të punimeve shkencore, të cilat nuk lejojnë asnjë punim akademik (diploma bachelor apo master) të kalojë në komisione vlerësimi në universitet nëse më parë nuk ka marr certifikimin e plagjiaturës nga softëare të tillë.

Por Ministria e Arsimit e kontaktuar nga Top Channel, ja kalon kompetencat universiteteve. Ndërkohë që krijimi i një database qendror në Shqipëri për të reduktuar rrezikun e plagjiaturës si dhe për të rritur cilësinë e punimeve akademike është emergjent.

l.h/ dita

Share: