Dashi
Jeni konfuzë dhe disi të çorientuar, prandaj është më mirë të qëndroni në pritje deri sa të vijë moment i duhur. Matuni mire para se të ndërmerrni ndonjë veprim të nxituar. Kujdes shpenzimet.
Demi
Në përgjithësi sot pritet një ditë e mirë, por kujdes, sepse nëse nuk merrni masa të zgjidhni problemet e vogla, rrezikoni të humbni diçka për të cilën do t’ju vijë shumë keq. Mirë dashuria.
Binjakët
Në përgjithësi kuadri yjor i juaj është pozitiv, ndonëse në momente të caktuara Marsi mund të sjellë momente pasigurie. Hëna favorizon raportet ndërpersonale dhe erosin, por kujdes raportet familjare.
Gaforrja
Sot mjaftojnë pak fjalë e shumë punë nëse doni të realizoni objektivat tuaja. Nuk duhet të druheni nga ata që ju kundërshtojnë, por nga ata që ju thurin lavde. Më të hapur ndaj partnerit.
Luani
Parashikohet një ditë më shumë e ngjeshur dhe me probleme si në aspektin profesional ashtu edhe në raportet ndërpersonale. Një problem i vjetër duket se rishfaqet e ju prish planet.
Virgjëresha
Sot Hëna nga njëra anë dhe Afërdita nga ana tjetër duket se do të jenë mbështetësit tuaj prandaj pritet një ditë përgjithësisht pozitive. Nganjëherë ia vlen të dëgjohet zëri i zemrës e jo ai i arsyes.
Peshorja
Me Marsin në shenjë i cili sot duket se do të nxjerrë në pah gjithë forcën e karakterit tuaj nuk keni pse të tërhiqeni, përkundrazi, këmbëngulni tek e juaja. Mirë shëndeti.
Akrepi
Keni muaj të tërë kohë që planifikoni të bëni diçka dhe duket se po e humbni durimin, por ju mungon guximi ndoshta për të hedhur hapin që duhet. Hëna sot iu bën sentimentalë.
Shigjetari
Duhet të mendoni më shumë për t’i dhënë fund një situate të ndërlikuar e që më së shumti ju ka dëmtuar ju. Merruni pak më shumë me problemet tuaja të brendshme para se të jetë vonë.
Bricjapi
Janë një mori yjesh që janë në anën tuaj, por jeni shumë konfuzë e nuk dini nga t’ia filloni më parë. Nuk përjashtohet mundësia e në njohjeje të re në planin sentimental.
Ujori
Edhe sot pritet një ditë përgjithësisht e mirë, prandaj tregohuni aktive e mos pritni t’ju vijnë gjërat nga qielli sepse duhet të jeni ju protagonistë. Afërdita në një orbitë favorizuese stimulon erosin.
Peshqit
Sot, në sajë të një kuadri yjor shumë pozitiv, mundësitë tuaja për të arritur objektivat e dëshiruara janë të mëdha, por edhe impenjimi juaj duhet të jetë atje ku duhet. Mirë dashuria.
