Home KRYESORE Situata në Devoll, paralajmërim i fortë nga Basha

Situata në Devoll, paralajmërim i fortë nga Basha

Uzurpim më dhunë e ka cilësuar kreu i PD-së, situatën në Bashkinë e Devollit ku kryetari i ri dy ditë pasi shkatërroi dyert e institucionit u fut në zyrë.

“Pushteti i paligjshëm i 6% po uzurpon me dhunë qeverisjen lokale, kundër vullnetit të popullit. Ky regjim kriminal dhe plaçkitës po hyn në rrugën e verbër të përplasjes me popullin e tij. Sot hajdutët në pushtet ndjehen të mbrojtur se kanë polici speciale, gaz lotsjellës dhe mercenarë, por nesër do të kenë fatin që meritojnë hajdutët dhe banditët”, shkruan kreu i opozitës.

Kjo e hënë nisi me tension në Bashkinë e Devollit. Shkak është bërë paraqitja në detyrë e kryebashkiakut të ri, Eduard Duro, i cili ka mbërritur në zyrë që në orën 06:30 i shoqëruar edhe nga forca të shumta të policisë.

Rreth orës 08:00 në Bashki ka mbërritur edhe ish-kryebashkiaku demokrat Bledion Nallbati, i shoqëruar nga administrata. Ish-kryebashiaku tha se bashkia është pushtuar dhe administrata nuk mund të punojë nën terrorin e policisë.

Ai është shprehur se do të vazhdojë punën, pasi nuk e njeh 30 Qershorin dhe se do të paraqitet çdo ditë në punë. Bashkia e Devollit ishte e para që zyrtarizoi kryetarin e ri./ Opinion.al

Share: