Home KRYESORE Turp, shumë turp! Por megjithatë bëre mirë që ike se Shqipëria do...

Turp, shumë turp! Por megjithatë bëre mirë që ike se Shqipëria do të jetojë dhe shndrijë në shekuj e breza.

Për inteligjentët, aspiratët, pseudo-patriotët, tradhtarët dhe ata që hedhin baltë ndaj Shqipërisë

Nga Rigels Seliman

Të ikësh nga vendi ku ke le për një jetë më të mirë në një vend tjetër, nuk është më tabu dhe aq më shumë e ndaluar. Të paktën kjo vlen për Shqipërinë, që e ka thyer këtë egjemoni qysh para Luftës së Parë Botërore, duke e arritur kulmin në vitet ’90, ku shumë qytetarë iu bashkuan eksodit. Por pa humbur kohë po hyj në temë, në mënyrë që disa thërrime mendimesh tejet objektive t’i ndaj me ata/ato që kanë durimin dhe po lexojnë këto rreshta. Kohët e fundit rrjetet sociale dhe portalet po buçasin nga disa statuse gjasme të ndiera, teksa disa intelektualë, madje edhe qytetarë shqiptarë ia kanë mbathur nga Shqipëria, pasi këtu nuk po gjejnë vetveten dhe se jashtë mundësitë janë të shumta, sidomos për të gjetur punë. Rasti më flagërant dhe më hipokrit që ka ndodhur ditë e fundit, është i një femre adulte që braktisi Shqipërinë për të jetuar në një vend skadinav. Deri këtu nuk ka asgjë të keqe, sepse të largohesh nga Shqipëria për një jetë më të mirë, tregon se edhe në tokën ilire demokracia funksionon. Por mua më shqetëson mënyra se si reagojnë këta persona kur ikin, duke bërë një zhurmë akustike, a thua se i plasi kujt se ata po ikin.

Mua më shqetëson mënyra se si lajmi serviret për veshët dhe sytë e publikut, ku fajin më të madh e kanë protalet mediatike që iu japin kaq rëndësi këtyre pseudo-inteligjentëve patriotë. Ndoshta, ju që po lexoni nuk keni kuptuar asgjë deri tani nga ato që kam shkruar dhe po mendoni se ky është një monolog si ato të Gabriel Garcia Markezit tek Realizmi Magjik. Por jo, unë i referohem një rasti ekzemplar. Bëhet fjalë për rastin e një vajze që paskërka nisur punë si asistent pedagoge në Suedi dhe ka bërë një status, ku vjell vrer për Shqipërinë në mënyrën më histerike të mundshme. Madje, kjo zonjusha apo zonja shkon deri atje sa i thotë Shqipërisë po iki dhe nuk ma ndien edhe nëse digjesh, pasi fajin e ka politika.

Po mirë moj pseudo pedagoge pse fajin Shqipëria ta ka ty?! Nuk ishte e udhës që përshëndetjen tënde të fundit me Shqipërinë ta bejë dhe ta shisje sikur ti ishe elita, nderkohë që burokracitë të prenë ëndrrën në mes. Po pune e madhe se ike ti, pasi 1 mijë të tjerë ngrihen dhe janë të gatshëm të jetojnë dhe kontribuojnë për Shqipërinë. Të jesh e sigurtë që për njerëz si ju nuk ka nevojë Shqipëria.

Dhe nuk ndalet me kaq, pasi mes rreshtave të statusit që kishte marrë dhenë në disa media, që nuk duhet ta kishin pasqyruar, pseudo pedagogja citonte edhe Faik Konicën. Ky i fundit është një kolos dhe figurë e njohur e Shqipërisë, por jo domosdo duhet t’i japim të drejtë në thëniet e tij. Pasi edhe beu Konica në disa raste ka lajthitur dhe ka folur kundër Shqipërisë, sikundër ishte thënia e tij: “Shqipëri të kam dhjerë, s’të kuptova asnjëherë”. Pra, ndryshe nga Fan Noli që edhe pse kishte lindur në Turqi nga prindër me origjinë shqiptare, e quante veten shqiptar, Faik Konica kishte lindur në tokë shqiptare, por nuk dha ndonjë kontribut për vendin tonë, sa frati euripid Noli dhe shumë veprimtarë të tjerë të shquar.

Kështu që, zonjush reflekto thellë dhe mos kalo në fyerje histerike ndaj Shqipërisë, se të jesh e bindur se nuk i plas Shqipërisë për ty. Ti je një pikë uji në oqëanin që quhet Shqipëri dhe kjo e fundit s’ka nevojë për kësisoj inteligjentësh, aspiratësh, pseudo-patriotësh dhe tradhtarësh si soji juaj. Nësë do ishte e nevojshme që të etiketoheshin me një fjalë njerëz si ju që villni vrer ndaj Shqipërisë, do quheshit “jashqitje e kombit” që i bëni nderi këtij vendi të bukur në rastin kur vendosni të mos jetoni më në tokën ilire.

Habit dhe ndihem tej mase i fyer që mes rreshtash kjo intelektuale i thoshte Shqipërisë bëju pis dhe ndizu zjarr, se nuk më bëhet vonë! Turp, shumë turp! Por megjithatë bëre mirë që ike se Shqipëria do të jetojë dhe shndrijë në shekuj e breza. Shqipëria ka plot qytetarë që e duan, kontribuojnë, madje dhe japin jetën për të. Kështu që, mos e kthe kokën pas se Shqipëria është më e bukur, kur nuk ka frymorë pa shtyllë kurrizore si ju. Nëse keni inate me politikën dhe me pushtetarët, merruni me ta dhe sfidojin, por ju lutem mos hidhni baltë ndaj Shqipërisë!

Share: