Home KRYESORE Le Pen dhe Macron nderojnë policin e vrarë gjatë sulmit në Paris

Le Pen dhe Macron nderojnë policin e vrarë gjatë sulmit në Paris

Dy kandidatët për presidencën franceze, Emmanuel Macron dhe Marine Le Pen, po marrin pjesë në një ceremoni në nder të policit të qëlluar për vdekje në Paris javën e kaluar.

Është hera e parë që dy kandidatët kryesorë, që dolën fitues në raundin e parë të votimit të së dielës janë shfaqur së bashku në publik, shkruan “BBC”.

Xavier Jugelé, 37 vjeç, u vra gjatë një tentative për sulm terrorist në Champs Elysées.

Presidenti aktual François Hollande bëri thirrje për unitet në “luftën e gjatë dhe të vështirë kundër terrorizmit”.

“Edhe njëherë Franca ka humbur një nga djemtë e saj më të guximshëm. Edhe një herë Republika ka humbur një nga kujdestarët më të vlefshëm”, tha ai

Share: