Nga Elmaz Sherifi
Ne dhjetorin i vitit 1921, brenda 16 diteve u nderruan tre qeveri. Te duket sikur fundi i vitit, perkonte me fundin e qeverive.
Pasi u rrezua ne menyre jo kushtetuese qeveria e Pandeli Evangjelit, më 6 dhjetor 1921, Këshilli i Naltë, me firmen e Aqif Pashe Elbasanit dhe Luigj Bumçit, nxori dekretin mbi formimin e qeverisë së Qazim Koculit,me Minisrer te Mbrendshëm, z. Luigj Gurakuqi, Min i Drejtësisë z.Hoxha Kadri, Min. i Luftës, z.Zija Dibra, Min. i Jashtëm At Fan Noli, Min. i Financavet z.Ahmet Dakli,-Min. i Arsimit z.Haki Refik Tirana dhe Min. P. Botore, z.Koço Tasi
Po më 6 dhjetor 1921, Qazim Koculi lajmëroi Pandeli Evangjelin se Këshilli i Naltë e kishte shkarkuar dhe ishte ngarkuar të formonte qeverinë e re. Pas disa oresh, Koculi shkoi tek Aqif Pasha, dhe dha dorëheqjen.
Aqif pashë Elbasani, me 7 dhjetor 1921, me firmen e tij, pasi anetaret e tjere te Keshillit Nalt nuk ishin ne Tirane, emëroi Hasan Prishtinën kryeministër dhe ministër të Punëve të Jashtme.
H. Prishtina më 7 dhjetor 1921 formoi qeverinë e tij me Zija Dibrën si ministër të Luftës,Hoxha Kadriun ministër të Drejtësisë, Fan Nolin ministër të Jashtëm dhe Luigj Gurakuqin ministër të Brendshëm. Noli ishte vënë në listën e ministrave pa dijeninë e tij, Hasan Prishtina i dërgoi një telegram imzot Fan Nolit në Korçë, të cilin e njoftonte mbi rënien e qeverisë së Pandeli Evangjelit dhe e ftonte të bashkëpunonte me të, me tekstin “Sa do qi Këshilli i Naltë i a kish ngarkuem barrën e formimit të Kabinetit të ri Z. Qazim Koculit edhe ky tue qenë se Bajram Fevziu dhe Mustafa Maksuti nuk deshën ta dorëzojnë qeverinë u shtrëngue të japi dorëhekjen mas 24 orëve. Atë here u ngarkuesh unë për formimin e Qeveris edhe Kabineti për veç ministris së P. të Jashtme asht plotësue e gjendet në vepërim. Lutemi pra mos me ma kursue bashkëpunimin tim si ministër i P. të jashtëmë”.
Fan Noli e refuzoi postin me texitn: “Ju falenderonj për ofiqin e lartë që më propononi po me qenë që nuk esht e mundur të mbleth Partinë dhe të kërkonj pëlqimin e saj, jam i shtrënguar të refuzoj”.
Populli i kryeqytetit, duke kënduar këngë kombëtare dhe duke brohoritur “Poshtë agjentët e Italisë” u mblodhën përpara Kryeministrisë dhe kërkuan rikthimin në detyrë të nëpunësve të hequr si edhe dorëheqjen e kabinetit Hasan Prishtina.
Dy ditë më vonë, në Tiranë, u mbyllën shkollat dhe u rrit presioni mbi Hasan Prishtinën.Këshilli i Naltë/Aqif Pasha, e këshilloi Hasan Prishtinën të jepte dorëheqjen, të cilën ai e dha më 11 dhjetor 1921, pas 4 ditesh qeverisje.
Parlamenti u mblodh me urgjence dhe shkarkoi regjentët Aqif Pasha dhe Luigj Bumçi,”
Për të shmangur krizën politike dhe institucionale, Me 12 dhjetor 1921,pjesa e mbetur e Këshilli i Naltë emëroi Idhomene Kosturin kryeministër ad interim dhe nënsekretarët e dikastereve, ministra ad interim, me vendimin: “Përpara Këshillës së Naltë të gjithë zavendësave të gjithë Ministrive u dha nji vendim me za të plotë të të gjithëve, për të formuar nji orë e më parë nji Ministri (qeveri) qi të marrë në dorë të tëra Ministritë e Kabinetit të Hasan Prishtinës edhe për të mos mbetur Shteti pa qeveri, të formohet një Qeveri e përkohshme, deri sa të mblidhet Parlamenti qi të formohet nji Qeveri e qëndrueshme. Kryeministër u zgjoth me vota të përgjithëshme Z. Idhomene Kosturi; zavendës i Ministris së P. të Brëndshme, këshilltari Z. Reuf Fico; zavendës i Ministrisë së Drejtësiës, Z. Qerim Çelo; zavendës i Ministrisë së Financës, Z. Sulejman Starova; zavendës i Ministrisë së P. të Jashtme, Z. Xhafer Vila; zavendës i Ministrisë së Arësimit, Z. A. Xhuvani; zavendës i Ministrisë së Luftës, z. Major Shefiku e zavendës i Ministrisë së P. Botore, Z. Paftali”.
Qeveria ra pas 12 ditesh.