Home KRYESORE Mustafa dhe Thaci shpetojne koalicionin ne momentin e fundit!

Mustafa dhe Thaci shpetojne koalicionin ne momentin e fundit!

Kosova është duke përjetuar një krizë të vërtetë politike, teksa koalicioni PDK-­LDK, ende pa e mbushur mirë një vit për pak, sa nuk u përça ditën e sotme.

Me gjithë trazirat që po shkakton opozita në Parlament, Isa Mustafa duket se sot shmangu një tjetër goditje të rëndë, kësaj here nga partneri i koalicionit qeverisës, Hashim Thaçi. Lajmin e konfirmojnë burime brenda PDK­-së për gazetën kosovare “Blic”. Sipas tyre, PDK-­ja kishte ndërmend që sot të mos e votonte Buxhetin 2016.

“Dy deputetë të PDK-­së kishin filluar iniciativën që të mblidhnin vota që të mos votohej buxheti, dhe kësisoj të binte edhe qeveria e Kosovës e drejtuar nga Isa Mustafa”, ka theksuar ky burim. Këta dy deputetë të PDK-­së kishin arritur që të bindin një numër të madh deputetësh të tjerë, që të mos votonin buxhetin, gjë që do ta rrezikonte sot miratimin e tij, duke e rrezikuar përfundimisht edhe fuksionimin e këtij koalicioni.

Mirëpo, sipas këtij burimi, në momentin e fundit, Hashim Thaçi e Isa Mustafa janë mbledhur në një takim të përbashkët sy me sy dhe kanë arritur marrëveshjen që të miratohej buxheti, ashtu siç ishte planifikuar në fillim.

Share: