Robert De Niro ka thënë në një bisede për mediat britanike, se ndihet si serb. Ai ka thënë se padrejtësia më e madhe u është bërë serbëve nga ana e Evropës, kur është bombarduar  “ky vend i vogël” në vitin 1999. Aktori hollivudian ka thënë se, dëshiron ta vizitojë Serbinë dhe se i pëlqen Beogradi, në të cilin ka qëndruar kohë më parë. De Niro ka shtuar se dëshiron të xhiroj film historik për Serbinë në Serbi. Sipas tij, personalitetet që dëshiron t’i luaj janë Drazha Mihailoviq dhe Sllobodan Milloshevic, i cili sipas tij është personalitet tragjik i kalibrit të Shekspirit. Disa vite më parë, në festivalin e këngës, Sanremo, Robert de Niro, kishte pohuar se e ka origjinën e përzier duke thënë tutje se prejardhja e tij është nga Siçilia, Italia dhe Shqipëria.
