Nga Artan Fuga
Ore miq,
çfarë bote e çmendur jashtë facebook-ut, mo? :)Â Dalin nga tema robt.
Problemi nuk është se kujt iu dha çmimi i burokracisë shqiptare për poezi a letërsi, a bibliofili…
Se mesa di unë bibliofilia është dashuri për librin, jo dëshirë për të bërë librat.
E merr një bibliograf, studjues, bibliotekar, dokumentalist, është ndjenjë dhe dashuri për libri, jo për të bërë libër.
Edhe Lumua, që e mori lumi e mori, nuk ishte poet por bibliograf, bibliofil.
Kaos total.
Problemi nuk është kush e fitoi çmimin, vrima, gropa, pusi, apo patatja, kastraveci apo qysqia… Të gjithë mund ta fitojnë.
Problemi është se kemi arritur në pikën ku cmimet për art po i jep administrata, po i japin zyrat, ministrat, zëvendësiministrat, shteti dhe përfaqësuesit e tij më të lartë, dhe nuk u skuqet syri as goja fare.
Ore, kaq shumë t’u ketë hipur mendja mbi veten sa ta dinë se janë edhe kritikë letrarë dhe të artit!!!
Por, e ka thënë dhe vulos Platoni para 2500 vjetësh mo, shtetari dhe artisti janë armiq të papajtueshëm me njeri tjetrin. Askush nuk i bën dot të dyja. O në shtëpi o në mulli! O gjalpin o paret e gjalpit.
Përndryshe na vjen Zhdanovi përsëri….
Nuk mund të jesh njëkohësisht edhe xhandar dhe prift.
Vrima apo gropa nuk janë veçse viktimat, çfaj kanë ato !
