Zëvendëskryeministri dhe ministri i jashtëm Hashim Thaçi ka thëne se është i gatshëm ta lë udhëheqjen e PDK’së për postin e Presidentit. Ai beson se do të zgjidhet President pa ndonjë “dramë politike”.
 Në një intervistë për Kosovapressin, Thaçi ka thënë se: - “Nuk pres ndryshime dhe nuk pres ndonjë dramë në skenën politike kosovare. Jam i vetëdijshëm se pas zgjedhjes si President ndërpriten angazhimet partiake. Por ndihem tepër mirë dhe shumë krenarë që për 17 vite e kam udhëhequr PDK’në. Koalicioni është stabil, me legjitimet jo vetëm numrash. Në interes të të gjithëve do të ishte një opozitë të fuqishme, demokratike por me veprime në suaza të demokracisë. Zotëri Veseli ka atributet, ka vlerat ka standardet e një personaliteti shtetëror udhëheqës” – ka thëne Thaçi duke shtuar se ai “nuk emëron udhëheqësin e PDK’së”, por se Veseli do të ishte njeriu ideal për udhëheqjen e PDK’së.
