Home KRYESORE Papa: bota është në luftë, por jo për fe, thjesht për pushtet

Papa: bota është në luftë, por jo për fe, thjesht për pushtet

VATICAN CITY, VATICAN - MARCH 27: Pope Francis waves to the crowd as he drives around St Peter's Square ahead of his first weekly general audience as pope on March 27, 2013 in Vatican City, Vatican. Pope Francis held his weekly general audience in St Peter's Square today (Photo by Christopher Furlong/Getty Images)

Papa filloi sot mbasdite, shtegtimin apostolik në Poloni, me rastin e Ditës Botërore të Rinisë. Gjatë fluturimit, nisur në orën 14.15 e përfunduar në orën 16.00, si zakonisht u drejtoi një përshëndetje të shkurtër gazetarëve, që e shoqërojnë. “Bota është në luftë – tha, duke komentuar vrasjen barbare të atit Hamel në Francë.- Por kjo, që po jetojmë, nuk është luftë ndërmjet feve, jo! Është luftë interesash, luftë për para, luftë për burimet e natyrës, luftë për sundimin e popujve: kjo është lufta. Ndokush mund të mendojë: po flet për luftë ndërmjet feve. Jo! Të gjitha fetë duan paqe. Luftën e duan të tjerët. Kuptuat?”.

“Një fjalë, që përsëritet shumë, është pasiguria. – nënvizoi – Po fjala e vërtetë është ‘lufta’”. Prej kohe themi: “Bota është në një luftë pjesë-pjesë” Kjo është lufta. Ishte më 1914-tën me metodat e saja, pastaj, ajo e ’39-të – ‘45-sës, një luftë tjetër e madhe në botë. E tani është kjo. Nuk është shumë organike, e organizuar, po luftë është. Ky meshtar shenjt, që vdiq në çastin kur lutej për mbarë Kishën, është një, po sa të krishterë, sa njerëz të pafajshëm, sa fëmijë…Të mendojmë për Nigerinë, për shembull: “Po kjo është Afrikë!”. Kjo është luftë! Nuk kemi frikë ta themi këtë të vërtetë: bota është në luftë, sepse e ka humbur paqen”.

Pastaj Papa foli për të rinjtë, që marrin pjesë në Ditën Botërore të Rinisë: “Kur themi rini, kemi thënë shpresë. Shpresojmë që të rinjtë të na thonë diçka, që të na japë pak shpresë, më këto çaste”.

Më pas Papa i falënderoi të gjithë ata, që e ngushëlluan për meshtarin e therur, në mënyrë të veçantë, presidentin e Francës, i cili deshi të lidhej me telefon, si vëlla. E falënderoj – tha Papa./RadioVaticana

Share: