Shkarkimi i katër ministrave të qeverisë është transmetuar edhe në medat e huaja.
Agjencia “Reuters” e cilëson largimin e ministrave si një lëvizje të dështuar të Edi Ramës për të kënaqur opozitën që të tërhiqet nga protesta.
“Kryeministri shqiptar Edi Rama tha të dielën se do të zëvendësojë katër ministra të tij, një lëvizje e dështuar për të kënaqur protestuesit e opozitës të cilët kërkojnë krijimin e një qeverie teknike që të do të organizojë zgjedhje të lira parlamentare më 18 qershor. Por, në fjalimin e tij javor Rama tha se zëvendësimi i katër ministrave nuk ishte për shkak të presionit nga partneri i tij i koalicionit apo nga protestat e opozitës”, shkruan Reuters.
“Rama përgëzoi Tahirin (të cilin e kanë fajësuar për zgjerimin me shpejtësi të sipërfaqes së kultivuar me kanabis gjatë dy viteve) si një kampion të reformave të PS, duke e kthyer policinë nga një institucion i korruptuar në një institucion “të besuar” nga shqiptarët”, vazhdon më tej Reuters.
