Home KRYESORE Mogherini në Moskë:Çfarë pret BE nga Putin dhe lajmi i keq për...

Mogherini në Moskë:Çfarë pret BE nga Putin dhe lajmi i keq për Rusinë

Shefja e politikës së jashtme të Bashkimit Evropian, Federica Mogherini, ndodhet në Moskë, në vizitën e parë zyrtare. Gjatë ditës së sotme Mogherini u takua me ministrin e jashtëm rus, Sergei Lavrov,ku kanë diskutuar për Ukrainën,Sirinë,Libinë,Iranin dhe marrëdhëniet dypalëshe Rusi­ BE.

Pas takimit të zhvilluar me dyer të mbyllura, Mogherini tha se BE kërkon lidhje më të mira me Rusinë, por nuk mund të pretendoje se Moska nuk e ka aneksuar Krimenë e Ukrainës dhe se sanksionet kundër saj do të mbeten në fuqi, raporton REL.

Vendet perëndimore kanë sanksionuar Rusinë,pasi kjo e fundit ka aneksuar Krimenë në vitin 2014 dhe vazhdon të mbështesë separatistët e armatosur në lindje të Ukrainës.

Udhëheqësit e vendeve të BE kanë shprehur shqetësime edhe për ndërhyrjen e dështuar të Rusisë në zgjedhjet kombëtare. BE dhe Moska janë në mosmarrëveshje të thella për shkak të mbështetjes që i jep Kremlini presidentit sirian, Bashar al­ Assad, në luftën e tij kundër rebeleve antiqeveritarë.

Ndërkohë e pyetur për persekutimin e dyshuar të homoseksualëve, Mogherini tha se Qeveria e Rusisë është përgjegjëse për mbrojtjen e të gjithë qytetarëve të saj, përfshirë
edhe këtë komunitet./Shqiptarja.com ­

Share: