Home KRYESORE Lapsi.al: Basha lëshon sinjalin se nuk ka ndërmend të japë dorëheqjen!

Lapsi.al: Basha lëshon sinjalin se nuk ka ndërmend të japë dorëheqjen!

Lulzim Basha ka filluar punën për të tulatur zërat publikë që janë kundër tij. Dje menjëherë pas publikimit të shkrimit të Besnik Mustafajit që kërkonte dorëheqjen ai i ka telefonuar personalisht ish ministrit demokrat. Të njëjtën gjë ka bërë edhe me zëra të tjerë. Por sinjali më i fortë është ajo që Basha pritet të thotë sot.

Një burim i Lapsi.al mësoi të martën në mbrëmje një pjesë shkurtër të asaj që do të thotë Basha sot pas përfundimit të numërimit për zgjedhjet e humbura. “Duhen luftuar bandat e rrezikshme qe janë në pushtet dhe pavarësisht humbjes do vazhdojmë luftën për Republikën e re!” – është një frazë që lapsi.al mësoi nga ato që Basha do të thotë 2 ditë pas zgjedhjeve.

Fraza e Bashës “do të vazhdojmë të luftojmë për Republikën e re” duket si një paralajmërim se Basha do të kërkojë të vazhdojë në krye të demokratëve. Zgjedhjet e rregullta për kryetarin e ri të PD deri më tani janë caktuar në 24 korrik. Megjithëse oponentë të Bashës kanë kërkuar shtyrjen e tyre dhe fillimin e një procesi reflektimi që nuk u bë as në vitin 2013. (Lapsi.al)

Share: