Home KRYESORE Një këshillë për Edi Ramën! Nga Prof. Asoc. Dr. Enver Bytyçi

Një këshillë për Edi Ramën! Nga Prof. Asoc. Dr. Enver Bytyçi

Një këshillë për Edi Ramën!

Zoti kryeministër,

Ju ishit sot në Vaun e Dejës dhe deklaruat se hipoteka e Shkodrës është bërë si konsullata austro-hungareze. Nga përdorimi i togfjalëshit “austro-hungareze” kuptohet se e keni fjalën për konsullatën e fillimshekullit të kaluar të Vjenës në qytetin e kulturës shqiptare e perendimore, Shkodrës.

Sa për dijeni, administrimi i Shqipërisë së Veriut në kohën e Austro-Hungarisë dhe administrata civile e asaj kohe ishin modeli perendimor i udhtrimit të pushtetit civil në Shqipëri. Prandaj ju këshilloj të lexoni librat dhe monografitë që i kushtohen kësaj periudhe dhe do të mësoni se administrata e sotme e juaja është shumë larg administratës shqiptare të kohës së administrimit austro-hungarez gjatë Luftës së Parë Botërore. Nëse nuk keni mundësi t’i gjeni këto botime, kërkoni ju lutem ndihmën e shkodranit Gjergj Lejqeza, njëkohësisht konsull nderi i Austrisë në Shkodër!

Dhe më pas nuk keni pse i referoheni konsullatave austro-hungareze në Shqipëri, përfshirë asaj të Shkodrës, sepse veprimtaria e tyre është shënuar në histori si një veprimtari e ndihmës së pakursyer për çeshtjen shqiptare e në mbrojtje të interesave tona në Ballkan. Ndoshta jam gabim, por ndaj përceptimin se në këtë aspekt veprimtaria juaj dhe e qeverisë tuaj në këto katër vite ishte larg së qeni në nivelin e përkushtimit austro-hungarez në dobi të interesave të Shqipërisë dhe të shqiptarëve!

Krahasimi i hipotekave të sotme të Shkodrës me konsullatën Austro_Hungareze është i pavend dhe më duket se dëshmon për oshilacione në qëndrimet dhe fiksionet tuaja!
Me respekt për ju dhe me dhimbje për dekratën tuaj të papërgjegjshme,

Prof. Asoc. Dr. Enver Bytyçi

Share: