Home KRYESORE Serbia, drejt kryeministres së parë femër…dhe lesbike

Serbia, drejt kryeministres së parë femër…dhe lesbike

Serbia pritet të ketë të parën kryeministre femër dhe lesbike, pasi ministrja aktuale për Qeverisjen Lokale, Ana Brnabiç është nominuar për postin e lënë vakant nga Aleksandar Vuçiç, i cili u bë president, gjatë kësaj të enjteje.

“Brnabi? ka cilësitë profesionale për qeverisje dhe e di mirë se ajo do të punojë fort e do të tregojë respekt për të gjitha partitë politike”, tha presidenti Vuçiç në një konferencë për shtyp, gjatë së cilës shpalli edhe kandidaturën e saj.

“Ajo do të punojë, së bashku me ministrat e tjerë, për një jetë më të mirë për qytetarët e Serbisë”, shtoi më tej ai.

Kandidatura e Brnabiç duhet të miratohet nga Parlamenti. Ajo u emërua ministre e Administratës Publike dhe Qeverisjes Lokale gjatë vitit të kaluar nga Vuçiç, në atë kohë kryeministër i Serbisë. Deri më tani, ajo nuk është anëtare e asnjë partie politike.

Duke folur mbi orientimin seksual të Brnabiç gjatë emërimit të saj si ministre, Vuçiç pati thënë se “ajo nuk e fsheh aspak atë, por është krenare të flasë mbi këtë çështje. Ajo është shumë e këndshme dhe e dashur. I kam thënë se isha i interesuar për atë që ajo mund të bëjë dhe sesa profesioniste dhe punëtore ishte ajo”. /360grade.al

Share: