Tre të rinj shqiptarë janë arrestuar nga policia italiane në San Marcellino, në provincën e Casertas pranë Napolit.
Karabinierët kanë arrestuar në flagrancë për shpërndarje droge 31-vjeçarin Florian Crroj; Albert Crroj, 27 vjeç dhe Anisa Elmazaj 27 vjeçe.
Fillimisht është ndaluar Florian Crroj, i cili udhëtonte me një makinë “Opel Astra” në pronësi të një 32-vjeçari italian. Atij i është gjetur 115 gram lëndë narkotike e llojit marijuanë, e ndarë në doza.
Pas kontrollit në banesën ku jetonte me vëllai Albert Crroj dhe Anisa Elmazaj karabinierët kanë gjetur edhe 135 gram marijuanë të ndarë në 4 zarfa dhe rreth 4 mijë euro të prerjeve të ndryshme, që dyshohet se vinin nga aktiviteti i shpërndarjes.
Të arrestuarit janë dërguar në burgun e Santa Maria Capua Vetere dhe Pozzuoli.
