Home KRYESORE Kodheli nuk pajtohet me kthimin e Demirajt në ushtri

Kodheli nuk pajtohet me kthimin e Demirajt në ushtri

Mimi Kodheli, ministrja e Mbrojtjes, nuk do të tërhiqet pas vendimit të Apelit për të rikthyer në punë kolonel Dritan Demirajn, sot ministër teknik i Brendshëm.

Në një njoftim të kësaj ministrie thuhet se Kodheli do ta çojë çështjen në Gjykatën e Lartë, sapo të marrë të zbardhur vendimin e Apelit.

Demiraj fitoi betejën në Gjykatë më Ministrinë e Mbrojtjes, duke u rikthyer në detyrën që mbante në vitin 2014, atë të kolonelit në Forcat e Armatosura. Në këtë mënyrë, Demiraj ka fituar të drejtën për të qenë sërish pjesë e Forcave të Armatosura.

Më konkretisht, Gjykata Administrative e Shkallës së Parë, Tiranë, vendosi të shfuqizojë urdhrin e Ministrisë së Mbrojtjes dhe të rikthejë Demirajn në detyrën e mëparshme ose në një detyrë të të njëjtit nivel, si dhe pagesën për të gjithë periudhën që ka qenë i liruar nga detyra.

Share: