Home KRYESORE Lobimi në SHBA dhe fiancime ruse, reagon LSI

Lobimi në SHBA dhe fiancime ruse, reagon LSI

Nëpër media të ndryshme qarkullon lajmi se Mother Jones kishte denoncuar një tjetër lobim shqiptar në Shtetet e Bashkuara të Amerikës, ku përfshihej Lëvizja Socialiste për Integrim.

Nuk ka vonuar shumë edhe një reagim nga zyra e shtypit të kësaj partie, e cila i ka cilësuar informacionet e publikuara në këtë revistë amerikane si mashtrime.

Ajo mbështetet fortë në këtë deklarim, duke thënë se përgjigjet e LSI-së nuk gjenden asgjëkundi të pasqyruara në këtë artikull, përgjigje të cilat iu dhanë gazetares së Mother Jones.

Në fund, deklarata për shtyp e LSI-së mbyllet me akuzën se i gjithë informacioni i publikuar në revistë është një lëvizje e mirëmenduar nga Edi Rama, dhe se për këtë arsye Lëvizja Socialiste për Integrim do të hedhë në gjyq Mother Jones.

Deklaratë për shtyp

Artikulli i MotherJones është manipulim, mashtrim, pa fakte dhe i shtrembëruar. Përgjigjet e LSI nuk u pasqyruan në këtë artikull. Zyra e Shtypit e LSI u kontaktua disa ditë më parë nga gazetarja e MotherJones. Disponojmë emailet dhe të gjitha pyetjet dhe përgjigjet, të cilat po i vëmë në dispozicion të opinionit publik. MotherJones ose FatherSoros nuk i pasqyroi këto përgjigje në artikull.

Shtrojmë Pyetjen: Përse ka frikë MotherJones nga përgjigjet e LSI-së? Sa herë ka komunikuar MotherJones me Endri Fugën?

MotherJones tregoi që paguhet me paratë e drogës dhe krimit të organizuar të Edi Ramës. Ky artikull i MotherJones nuk mund ta fshehë dot dështimin e Edi Ramës sot në Gjermani.

Zyra e Shtypit e LSI bën të ditur se Lëvizja Socialiste për Integrim do të hedhë në gjyq MotherJones për shpifje.

Zyra e Shtypit LSI

Share: