Ish-ministri i Drejtësisë, Ylli Manjani i është rikthyer çështjes së Teatrit Kombëtar, duke u fokusuar tek protesta e artistëve që kërkojnë mos shembjen e godinës ekzistuese të tij.
Përmes një komenti në rrjetet sociale, Manjani teksa i referohet disa shkrimeve kundër regjisorëve shprehet se pavarësisht të zezave që ata mund të kenë, ata mbeten më shumë qytetarë se sa prishësit e Teatrit.
“Me gjithë “të zezat” që paskan regjisorët Budina e Çipi, apo edhe aktorë si psh Kabashi, ata janë shumë më qytetarë sesa prishësit e Teatrit Kombëtar!
Tellallët mediatikë që bëjnë propagandën e qeverisë moniste, e cila i ka hypë buldozerit për të shkatërruar, duhet thjesht të kenë TURP!!
Turp dhe faqe të zezë!
Nuk dinë më se ç’thonë e ç’shkruajnë! U ka marrë fytyra ngjyrë Eurosh…”– shprehet Manjani.
