Pak minuta pas ngjarjes së ndodhur në Durrës, ku një 36 vjeçar ka plagosur me thikë një 52 vjeçar është zbardhur edhe konflikti që ka çuar në kryerjen e kësaj vepre nga autori.
Shkak për këtë ngjarje sipas autorit shtetasit B. Xh është bërë sipas tij fakti që shtetasi S. Dh i ngacmonte gruan.
“Më ngacmon gruan, prandaj e qëllova” ka thënë para policëve autori, duke pranuar krimin para oficerëve të policisë.
Ngjarja ndodhi mbrëmjen e sotme në lagjen Nr 18 në Durrës, rreth orës 20:50, në afërsi të stadiumit “Niko Dovana”.
Fillimisht midis dy burrave ka pasur një debat verbal, më pas 36 vjeçari ka nxjerrë thikën dhe ka qëlluar mbi 52 vjeçarin, duke e lënë të mbuluar me gjak në trotuar, për tu larguar më pas me shpejtësi nga vendngjarja, për tu arrestuar pak minuta pas kryerjes së krimit nga Policia.
