Home KRYESORE Skandali në Kishën Katolike/ Murgeshat abuzohen seksualisht nga priftërinjtë dhe dëbohen nga...

Skandali në Kishën Katolike/ Murgeshat abuzohen seksualisht nga priftërinjtë dhe dëbohen nga manastiri

Një grup murgeshash katolike në Kili janë abuzuar seksualisht nga priftërinjtë, të cilët më pas i dëbuan nga manastiri për t’u mbyllur gojën. Akuzat janë bërë nga 23 murgesha në Molina, të cilët kanë raportuar krimet e priftërinjve te një i dërguar i Papës, i cili heton abuzimin seksual në kishë. Yolanda Tondreaux, një prej murgeshave, tha: “Një prift preku gjoksin tim dhe më puthi në buzë. Ai më preku në mënyrë të papërshtatshme. Ndihem e neveritur”. Rrëfimet për abuzimet u shfaqën në programin televiziv “Informe Especial” të transmetuar nga kanali televiziv kanadez, “TVN”.

Ivo Scapolo, prifti i dërguar nga Papa Françesku në Kili për të hetuar raportet e abuzimit seksual nga priftërinjtë në atë vend, i ka dëgjuar rastet e murgeshave. Tondreaux tha se ajo e informoi nënën më të lartë, Patricia Ibarra, për incidentin e saj, por u trajtua si një gënjeshtar dhe u dërgua në rrëfim me të njëjtin prift që e abuzonte. “I lava duart dhe fytyrën fort sepse një prift më preku, një prift!”.2112454545456

Ajo tha se disa murgesha të reja u larguan nga manastiri pasi u prekën në mënyrë të papërshtatshme. Duke përshkruar tmerrin e tyre, Tondreaux tha se më shumë se 23 murgesha ishin detyruar të punonin si skllave për priftërinjtë. Mediat lokale raportojnë se priftërinjtë hynin gjithashtu në dhomat e murgeshave për t’i parë ato të zhveshura dhe ata madje hiqnin edhe rrobat e veta në publik. Ish-murgeshë Eliana Macias tha se, “Ai tha se kurrë nuk kishte parë një grua të zhveshur në jetën e tij dhe kjo është arsyeja pse e bëri këtë. Edhe prifti shkoi në oborr dhe hoqi rrobat.

Nëna eprore e dinte këtë. Ishte e neveritshme”. Murgeshat fajësuan ish-peshkopin e Talca, Horacio Valenzuela, për mbulimin e abuzimit dhe thanë se ai duhet ta kishte ditur atë që po ndodhte kur ishte peshkop. Ai kishte marrë kallëzime penale mbi abuzimin seksual, kanë sugjeruar disa raporte. Kisha Katolike kiliane është aktualisht në krizë për shkak të valës së raporteve të abuzimit seksual dhe mbulimeve që u janë bërë . Shërbimi i Prokurorisë kiliane identifikoi së paku 40 viktima të abuzimit seksual nga priftërinjtë në arkivin e kapur nga Policia në qershor, në arkipeshkopatën e Santiagos dhe Rancaguas.

Rastet janë nga viti 2007 dhe ka shumë raporte për abuzimin seksual nga priftërinjtë me të miturit dhe të rriturit. Në total, rreth 113 priftërinj janë raportuar për abuzim seksual në 15 vitet e fundit, sipas të dhënave të Kishës kiliane. Papa Françesku pranoi shkarkimin e pesë peshkopëve, duke përfshirë edhe nga Valenzuela, katër prej të cilëve besohej se kishin mbuluar raste të abuzimit seksual nga priftërinjtë.


360grade.al

Share: