22 shqiptare janë arrestuar nga policia italiane për shfrytëzim prostitucioni. Bashkë me 22 personat nga Shqipëria, është vënë në pranga edhe një grua nga Rumania. Operacioni u zhvillua në Como, Monza dhe Brianca ditën e enjte, ndërsa u publikua nga autoritetet italiane mëngjesin e sotëm.
Shqiptarët dyshohet se të kontrollonin një rrjet prostitutash, gjithsej 25 vajza, jo vetëm nga Shqipëria por edhe Bullgaria, Polonia, Rumania dhe Hungaria. Shqiptarëve iu bllokua edhe një armë dhe 25 mijë euro.
Gjithsesi deri tani asnjë prej vajzave nuk ka formuluar asnjë akuzë për të arrestuarit. Sipas policisë vajzat mbaheshin nën kontroll të vazhdueshëm nga tutorët, që i mbanin nën vëzhgim dhe i shoqëronin vajzat drejt vendeve ku prostituonin.
Policia italiane tha se ka përgjime dhe prova se vajzat kontrolloheshin vazhdimisht nga shqiptarët për të qëndruar në vendet ku prostituoheshin. Vajzat kishin rregulla strikte për qëndrimin në rrugë në mënyrë që të kishin sa më shumë klientë. Nëse ndonjë prej tyre largohej nga vendi ku qëndronte përballej me dhunë dhe kërcënime të vazhdueshme shkruajnë mediat italiane./Lapsi.al
