Home KRYESORE SHPALLET I PAFAJSHËM, ‘GJYQTARI I SEKSIT’ GUXIMTAR BOÇI KËRKON RIKTHIMIN NË DETYRË

SHPALLET I PAFAJSHËM, ‘GJYQTARI I SEKSIT’ GUXIMTAR BOÇI KËRKON RIKTHIMIN NË DETYRË

Dy vjet pas shkarkimit, ish-kryegjyqtari i Gjirokastrës Guximtar Boçi ka kërkuar rikthimin në detyrën e mëparshme.

Boçi e ka bërë këtë kërkesë pasi u shpall i pafajshëm nga Gjykata e Apelit të Vlorës në muajin shtator të vitit 2018.

Kujtojmë se Këshilli i Lartë i Drejtësisë vendosi unanimisht për shkarkimin e kryegjyqtarit në tetor të vitit 2016, pasi emisioni investigativ ‘Stop’ publikoi një natë një videoskandal, ku Boçi kërkonte favore seksuale në këmbim të drejtësisë.

Qytetarja Rudina I. denoncoi publikisht ish-kryegjyqtarin me anë të një audiopërgjimi nga bisedat, kur ajo i kishte kërkuar ndihmë për një gjyq për çështje pronësie me ish-burrin dhe ish-vjehrrën, por Boçi i kishte kërkuar marrëdhënie intime.

Qytetarja pretendonte se Boçi e kishte puthur në zyrë dhe i kishte kërkuar disa herë që të kryenin marrëdhënie seksuale, në mënyrë që qytetarja të fitonte çështjen gjyqësore.

Pasi gruaja humbi gjyqin, denoncoi Boçin, ndërkohë që ky i fundit u akuzua për disa vepra penale, mes të cilave eedhe korrupsion pasiv.

Por me marrjen e pafajësisë, ish-kryegjyqtari i ka drejtuar KLGJ-së një kërkesë ku kërkon rikthimin në detyrë, ndërkohë që thekson se ekspertiza e Policisë Shkencore e nxori audio-përgjimin si të sajuar me programe kompjuterike edhe pse denoncuesja pretendon se në 50 minuta përgjime janë publikuar vetëm 4 minuta./newsbombe

Share: