Kryeministri Edi Rama ka botuar sot me mburje se ndodhet në Turqi ku ka zhvilluar një takim me Presidentin Recep Tayyip Erdogan. Rama ka qenë i ftuar në rezidencën verore të Erdogan në Marmaris dhe foton nga dreka e ka publikuar vetë në Instagram me një shënim.“Në mikpritjen e Presidentit Erdogan në rezidencën e tij verore në Marmaris”.
Por fotoja që kryeministri shqiptar ka zgjedhur për botim ka një mister. Aty vërehet që në drëkë është i ftuar edhe një person i tretë, por i cili nuk duket me fytyrë.
Media turke e ka zbuluar identitetin e këtij të fundit. Bëhet fjalë për Berat Albayrak (ne krah te presidentit turk dhe me shigjete ne foton e drekes), dhëndri i Erdoganit i martuar me të bijën e tij Esra, dhe njëkohësisht ministër aktual i financave.
Por, Albayrak ka edhe një lidhje të fortë me Shqipërinë. Ai që prej vitit 2006, ka qenë drejtues i lartë i Çelik Hollding dhe pas 2007 drejtor i përgjithshëm i kësaj kompanie, që privatizoi në vitin 2005 edhe kompaninë e telefonisë publike shqiptare. Për një kohë ai ka qenë edhe Anatar i Këshillit mbikqyrës të Alblekomit.
Ndoshta prezenca e dhëndrit në darkën e shtruar nga vjehri president mund të jetë e rastësishme, por ajo mund të jetë e lidhur edhe me zërat që qarkullojnë prej disa javësh në Tiranë, ku Alb Telekom, gjithnjë në pronësi të turqve, po përpiqet të pengojë me anë të presioneve shtetërore zgjerimin e një komkurenti të drejtëpërdrejtë në treg. Si shenjë presion thuhet se Erdogan ka ndërprerë edhe financimin e xhamisë së madhe të Tiranës që ka mbetur pezull.
Me sa duket Raisi turk e ka thirrur vëllain Edi, në vilën e tij në Marmaris për të sheshuar disi marëdhëniet që nuk janë në ditët e tyre më të mira.
©Lapsi.al
