Home Ja Pse Shqipëria nuk behet si Zvicera Ja si udheton ish ministri britanik… po tanet…!?

Ja si udheton ish ministri britanik… po tanet…!?

Ky zotëria këtu është Philiph Hammond.

Nga Arian Galdini

Fakti që deri para pak ditësh ky njeri ka qenë nr 2 i Qeverisë Britanike dhe Ministri i Thesarit e një ndër figurat më me peshë të Partisë Konservatore Britanike, nuk do të thotë asgjë po të mendosh se ai vjen nga një familje tradicionalisht e pasur, shumë e pasur.

Shiheni pak thjeshtësinë e këtij njeriu.

Udhëton i qetë, i vetmuar me mjete të transportit publik dhe nuk ndihet aspak i dobët apo i parëndësishëm.

Ndihet thjesht qytetar si gjithë qytetarët.

Tani, imagjinoni këta liderët tanë politikë të këtyre 30 viteve…

Imagjinojini këta udhëheqësit tanë plaçkaxhinj…

Këta tanët e nisën politikën si të mjerë, të këputur e pa asnjë kacidhe.

Sot nuk dinë të ndalen në harbinë dhe harbutërinë e tyre për të vjedhur e vjedhur pa kufij e pandalesa, duke u pasuruar frikshëm me shifra që nuk na i rrok dot mendja.

Këta plaçkaxhinjtë tanë vishen si fashinosta a thua se janë yje të Beverley Hills, e jetojnë e shpenzojnë sikur janë të gjithë shokët e ngushtë të Leonardo Di Caprios dhe Rihanës dhe paguhen nga 20 milion dollarë për dalje televizive…

Plaçkaxhinjtë tanë jetojnë mes një luksi të shfrenuar, me vila, apartamente, makina, veshje e shpenzime ditore luksoze tej çdo fantazie edhe ndër më të çmendurat, jo vetëm për veten e tyre, por edhe për familjarët dhe anturazhin e tyre.

Këta plaçkaxhinjtë tanë nuk e kuptojnë dot më veten si të thjeshtë.

Këta sillen e jetojnë si të rritur mes miliardash…

Harrojnë se janë thjesht hajdutë që na kanë vjedhur neve…

Bëjeni vetë krahasimin e vendoseni vetë se çfarë lloj liderash doni, të thjeshtët apo plaçkaxhinjtë?

Share: