Organizata e Kombeve të Bashkuara thotë se janë të shokuar dhe shumë të shqetësuar nga pamjet e një videoje ku në makinat e saj në Izrael shfaqen dy persona duke kryer marrëdhënie seksuale.
Një video e shpërndarë e cila është bërë virale tregon një grua me një fustan të kuq afër një burri duke në sediljen e pasme të një 4×4 të bardhë me simbolet e OKB.
Mediat e huaja kanë bërë me dije se video u filmua në një rrugë kryesore nga bregdeti i Tel Aviv, shkruan BBC.
Video Player00:0000:00
Sipas një njoftimi të OKB është bërë e ditur se ajo tashmë po hetonte incidentin dhe ishte afër identifikimit të individëve që shfaqeshin në video. “Besohet se ata janë anëtarë të stafit të një organizate paqeruajtëse në Izrael”, tha OKB.
Ndërkohë Stéphane Dujarric, zëdhënësi i Sekretarit të Përgjithshëm të OKB, António Guterres, e përshkroi sjelljen e parë në videon e 18 sekondave si “të neveritshme”.
“Kjo lloj sjellje shkon kundër gjithçkaje për të cilën ne jemi duke punuar për të arritur në drejtim të luftimit të sjelljeve të gabuara nga stafi i OKB“, tha Z.Dujarric ditën e djeshme
Organizata e Kombeve të Bashkuara ka politika strikte kundër sjelljes seksuale nga anëtarët e saj. Stafi mund të disiplinohet nëse konstatohet se nuk respektojnë rregullat e sjelljes. Ato mund të riatdhesohen ose ndalohen nga operacionet paqeruajtëse të OKB.
OKB-ja ka qenë prej kohësh nën akuzë për sjellje të keqe seksuale nga paqeruajtësit dhe stafet e tjera. Sekretari i Përgjithshëm Guterres ka thënë se do ketë tolerancë zero ndaj këtyre akteve mes zyrtarëve të OKB-së.
Javanews/g.kosovari
