Pas dështimit të përmbylljes së reformës zgjedhore më 31 maj, siç palët politike kishin premtuar, ka ardhur reagimi i ambasadorit të Bashkimit Europian në Shqipëri, Luigi Soreca.
“Reforma Zgjedhore në linjë të plotë me rekomandimet e OSBE/ODIHR është kushti i nevojshëm për të lëvizur drejt integrimit në Bashkimit Europian. Një marrëveshje e menjëhershme nga të gjitha palët në Këshillin Politik është e mundshme dhe duhet të arrihet tani, për të nisur sa më shpejt bisedimet për anëtarësimin”,- shkruan Soreca në Twitter.
Më herët reagoi edhe ambasadorja e SHBA në vendin tonë, Yuri Kim e cila tha se palët duhet të arrijnë marrëveshjen dhe të ndalojnë se insistuari për kushte të reja./ Opinion.al
