Edhe pse koronavirusi vijon të përhapet me ritme të shpejta, kjo gjë nuk i ka penguar qytetarët kosovarë që të zgjedhin Shqipërinë si vend për të kaluar pushimet.
Me mijëra qytetarë nga Kosova që prej orëve të para të mëngjesit i janë drejtuar kufirit me Shqipërinë për të kaluar fundjavën në plazhe.
Në pikën doganore të Morinës, Policia Kufitare po punon me 6 sportele dhe procedurë të përshpejtuar për të shmangur radhët e gjata.
Shëngjini dhe Durrësi mbeten dy destinacionet kryesore të pushuesve kosovarë. Duket se shtimi i rasteve në të dy shtetet nuk ka zbehur aspak dëshirën e kosovarëve për të udhëtuar e pushuar në Shqipëri./ Opinion.al
