Home KRYESORE “Do të ketë përmbysje të madhe të menjëhershme”, Ngjela paralajmëron ‘tërmet’ në...

“Do të ketë përmbysje të madhe të menjëhershme”, Ngjela paralajmëron ‘tërmet’ në politikën shqiptare, zbulon çfarë do të ndodhë në 25 prill

Avokati i njohur, Spartak Ngjela ka bërë një analizë lidhur me zgjedhjet e 25 prillit. “Vjedhësit e parave të shqiptarëve kanë qenë gjithmonë edhe vjedhësit e mëdhenj të votave”, shkruan Ngjela. Avokati shton se në rast se krerët politikë nuk do i përgjigjen Amerikës për lista të pastra, kjo e fundit do të ndërhyjë dhe do i nxjerrë me emra.

Postimi i Ngjelës

Vjedhësit e parave të shqiptarëve kanë qenë gjithmonë edhe vjedhësit e mëdhenj të votave.

l.

Duke u nisur nga ky fakt, pyetja është kjo:

Çfarë do të ndodhë në Shqipëri në procesin e zgjedhjeve të 25 prillit?

Vjedhësi fjalët edhe i ndërron, por zanatin nuk e harron.

Prandaj, kush do t’i ndalojë këta vjedhës që të mos veprojnë?

Deri tani askush.

Por, kjo ka vetëm një zgjidhje historike kombëtare: dhe ajo është në dorë te SPAK-ut.

Këtu në fakt është përqendruar e gjithë loja, dhe këtu qëndron edhe frika e kurrupsionit të lartë shtetëror. Gjithmonë me pyetjen që ata ngrenë me trembje në çdo çast të ditës: a do të fillojë SPAK-u goditjen kundër nesh?

ll.

Kjo pyetje është e rëndë për ata që e bëjnë. Nëpër situata të tillë, të korrupruarit e identifikuar, nëpër vendet evropiane që kanë bërë reforma antikorrupsion, goditja ka qenë e behtë. Ajo ka ardhur si një rrufe në qiell të pastër. Në disa vende, reforna antikorrupsion ka zhvendosur të gjithë liderët kryesorë të partive të mëdha që kanë qeverusur nënë 20 vjet rresht. Një shembull elokuent, që e njeh mirë edhe opinioni publik shqiptar, është reforma në Itali, e cila, si pasojë e goditjes penale në figurat kryesore, shkatërroi krejtësisht Partinë Demokristiane me eliminimin e të gjithë liderëve historikë, nën akuzën për korrupsion ose si lidhje me krimin e organizuar.

Po në Shqipëri, si do të zhvillohen këto ngjarje antikorrupsion tani që reforma antikorrupsion i ka nxjerrë organet speciale kundër krimit të organizuar dhe korrupsionit?

lll.

Këtë po presin me ankth të gjithë shqiptarët, të cilët, masivisht, kanë të drejtë kur thonë se nuk do të shkojnë në zgjedhe.

Po cila është arsyeje më bindëse për abstenimin masiv të tyre në zgjedhjet e prillit të këtij viti?

Kjo tani po duket qartë te kërkesa e politikës amerikane, e cila, me anë të ambasadores në Tiranë, Yuri Kim, po kërkon që të inkriminuarit nuk duhet të jenë në listat zgjedhore të deputetëve të çdo partie.

Po, cilët janë këta të inkriminuar?

Këta sigurisht që janë emrat që, të dy partive të mëdha, ua ka dhënë politika dhe diplomacia amerikane, të faktuara me prova.

Po Partia Socialiste dhe Partia Demokrarike, si i janë përgjigjur politikës amerikane?

Deri tani nuk i janë përgjigjur. Por, ata e dinë se çfarë po heqin brenda tyre.

Po në rast se partitë nuk pranojnë të heqin nga lista të inkriminuarit, a do t’i shpallë me emra këta të inkriminuar Uashingtoni nëpërmjet qarqeve të larta të politikës amerikane? Sigurisht që duhet t’i shpallë.

Por, jo vetëm kaq: për këtë ka nevojë që, me anë të Zërit të Amerikës, politika amerikane duhet t’i drejtohet opinionit publik shqiptar me thirrje për abstenimin masiv në këto zghedhje.

Por, a mund ta bëjë këtë politika amerikane?

Sigurisht që po, sepse kështu ndihmon shqiptarët, si anëtarë të NATO-s, që të shpëtojnë nga krimi. Çdo denoncim i krimit shtetëror në favor të shqiptarëve, është me vlerë historike për Shqipërinë.

Por, nëse politika amerikane e bën këtë, si do veprojnë shqiptarët në funksion të zgjedhjeve të 25 prillit?

Sigurisht që do të abstenojnë me refuzimin e tyre, për të mos votuar.

Po nëse abstenimi është masiv, çfarë ndodh?

Mbaron jeta e abuzuesve shtetërore në Shqipëri. Do të ketë përmbysje të madhe të menjëhershme.

Gjithësisi, duhet pritur se si do të precipitojnë ngjarjet.

Share: