Nga Nini Dede
Edhe pak dite na ndajne nga zgjedhjet dhe humbja e besimit tek politika,se bashku me pandemine qe kaluam dhe po kalojme, dilema se a do te votojme apo jo, per shume qytetare te thjeshte, intelektuale dhe profesioniste te fushave te ndryshme ngelet ceshtja e dites.
Dhe nje nga “masat” e ndermara nga politika aktuale per te rritur besimin per te votuar eshte perfshirja ne lista e profesionisteve te fushave te ndryshme, qofte edhe pa eksperiencen e duhur politike.
Personalisht, nese dikush do te me ofronte te kandidoja per te qene pjese e parlamentit shqiptar do ta refuzoja me kenaqesi. Jo sepse e ndiej veten te paafte per t’i sherbyer vendit tim, as sepse nuk kam eksperiencen e duhur politike, por sepse dua te zhvillohem ende ne profesionin tim.
Nuk e njoh personalisht Luljeta Bozon, por futjen e saj ne politike e shoh si nje mundesi nga ana e saj per te mos qene thjesht nje pensioniste e cila ka ezauruar ciklin e saj profesional te karieres ( per te cilin nuk jam i informuar pasi jam jashte ketij profesioni) dhe si nje mundesi nga ana e politikes per te terhequr votues te (pa)bindjeve politike te ndryshme, qofshin individe te jetes qytetare te thjeshte, intelektuale,profesioniste apo edhe individe te terhequr nga politika, qe me se shumti kane qene te perfshire emocionalisht nga problemet e fundit aktuale te fatkeqesive natyrore ne Shqiperi.
Po te ecet me kete logjike, ne kampin opozitar ka figura me te kompletuara se Luljeta Bozo ne fushen e ndertimit dhe termeteve, madje edhe me te superspecializuar per te mos thene ne zhargonin e se perditshmes ” me doktorature” sic eshte z. Artur Roshi.
Sikur te hiqnim eksperiencen e tij politike 30 vjecare e per me teper te paperlyer kurre me perfitime dhe afera, profesionalizmin ne daljet e tij mediatike ne periudhen e panikut ekstrem te termetit si doktorant i sizmikes, logjiken kritike te vazhdueshme te gabimeve te skajshme ekonomike te qeverisjes se sotme, une do ta votoja si qytetar edhe sikur te ndodhem ne dileme per te mos dale ne votim.
Pertej bindjeve politike dhe personale, Artur Roshin e opozites se sotme e shoh ne parlamentin e ardhshem shqiptar si nje shprese te nje moshe sa te pjekur aq edhe energjike larg pensionit, si nje ze te fuqishem e te besueshem profesional ne fushen e ndertimit, ekonomise dhe sfidave te tmerrshme te fatkeqesive natyrore si termeti , sesa Luljeta Bozon te cilen pavaresisht se nga ana njerezore e konsideroj si gjyshen time, nuk gjykoj se do t’i sherbeje per dicka te ardhmes se femijeve tane.
Nini Dede,
6 Mars 2021
