Në ditët e sotme, ku teknologjia konsiderohet kryefjala e komunikimit, të shkëmbesh mesazhe me persona të famshëm nuk konsiderohet më tabu.
Poetja, publicistja dhe novelistja Gladiola Jorbus, bashkëpunëtorja e portalit ‘Përqasje italo-shqiptare’ së fundmi ka komunikuar me një nga shkrimtaret e saj më të preferuara Isabel Allende.
Në emaili-in e saj publicistja shqiptare e përgëzon për librat, emocionet që Allende i ka dhuruar dhe e vë në dijeni për artikullin që ka botuar rreth saj në gjuhën shqipe. Më poshtë do të gjeni dhe email-in e përkthyer nga spanjishtja.
Përkthim i email-it:
E dashur Gladiola
Faleminderit shumë për leximin e librave të mi dhe për mesazhin tuaj. Fatkeqësisht nuk mund ta lexoj artikullin tuaj, sepse nuk flas gjuhën tuaj, por e vlerësoj shumë.
Një përqafim nga shtëpia ime e shpirtrave në Kaliforni
Isabel Allende’
Kjo përvojë të sjell ndër mend një ndër frazat më të bukura të Allende -s: ‘Mund t’ju premtoj se gratë që punojnë së bashku – të lidhura, të informuara dhe të arsimuara – mund të sjellin paqe dhe prosperitet në këtë planet të braktisur’.
I. Allende konsiderohet si autorja më e lexuar në botë në gjuhën spanjolle. Ndër librat e saj më të mirënjohur renditen: ‘Shtëpia e shpirtrave’, ‘Paula’, ‘Ishulli nën det’, ‘Fletorja e Majës’ etj.
