Home Approccio Italo Albanese Hapja e negociatave/ Di Maio: Lënia e Ballkanit Perëndimor jashtë BE-së, gabim...

Hapja e negociatave/ Di Maio: Lënia e Ballkanit Perëndimor jashtë BE-së, gabim historik

Ministri i Jashtëm italian, Luigi Di Maio e ka quajtur një gabim historik lënien jashtë BE-së Ballkanin Perëndimor, duke treguar edhe një herë mbështetje për përhapjen e negociatave me Shqipërinë dhe Maqedoninë e Veriut.

Në një intervistë për median italiane ” Il Piccolo”, i pyetur nëse do të ketë lajme të mira për Shqipërinë dhe Maqedoninë e Veriut, Di Maio u shpreh se një vit pas vendimit për të hapur negociatat, vonesat e mëtejshme do të ishin të papranueshme.

“Lënia e këtyre vendeve jashtë BE-së do të ishte një gabim me rëndësi historike, një miopi e pajustifikuar politike që do të favorizonte palët e treta jo domosdoshmërish të interesuara në integrimin e plotë të rajonit në Bashkimin Evropian. Një viti nga vendimi për të hapur negociatat me Shkupin dhe Tiranën, vonesat e mëtejshme nuk janë të pranueshme. Në Bruksel javën e kaluar theksova se besueshmëria e të gjithë procesit të zgjerimit rrezikon të dëmtohet nëse nuk do të duhet ta zhbllokojmë këtë vendim dhe do të vazhdojmë të punojmë pa u lodhur derisa të arrihet ky rezultat”, tha ministri italian.

Top Channel

Share: