Home Approccio Italo Albanese Italia heq karantinën për shtetasit nga BE, çfarë vendosi për shqiptarët

Italia heq karantinën për shtetasit nga BE, çfarë vendosi për shqiptarët

Pas përmirësimit të situatë së COVID-19, Italia ka lehtësuar masat kufizuese. Shteti fqinj vendosi që nga dita e diel të hiqet karantina për shtetasit nga vendet anëtare të unionit, nga Britania e Madhe dhe Izraeli.

Dekreti i ministrisë së Shëndetësisë lejon hyrjen e shtetasve nga vendet europiane vetëm duke paraqitur një tampon negativ të 48-orëve të fundit.

Ndërkohë për shqiptarët, që nuk kanë leje-qëndrimi italiane dhe pasaporta të vendeve anëtare të Bashkimit Europian, do të qëndrojnë në fuqi kufizimet e deritanishme, ku lejohet hyrja vetëm për arsye të veçanta.

Fundjavën që lamë pas, jo vetëm në Itali, por edhe Spanjë e Portugali ka nisur rihapja graduale e plazheve, pishinave , muzeve dhe qendrave të tjera verore për argëtim.

Portugalia dhe Holanda kanë nisur lejimin e hyrjes së shtetasve të huaj nga disa vende europiane për sezonin turistik. Lehtësim të masave kufizuese ka vendosur edhe Turqia. Lehtësimi i masave do të nisë nga e hëna./Opinion.al

Share: