Teksa Finlanda dhe Suedia po konsiderojnë që të anëtarësohen në NATO, Kremlini ka paralajmëruar të hënën se zgjerimi i aleancës nuk do të sjellë stabilitet në Evropë.
“Ne kemi thënë vazhdimisht se vetë aleanca është më shumë një mjet për konfrontim. Kjo nuk është një aleancë që siguron paqe dhe stabilitet dhe zgjerimi i mëtejshëm i aleancës, natyrisht, nuk do të çojë në stabilitet në kontinentin evropian.” Kështu u shpreh zëdhënësi i Kremlinit Dmitry Peskov të hënën.
Finlanda dhe Suedia së shpejti mund t’i bashkohen Organizatës së Traktatit të Atlantikut të Veriut. Ky veprim ka të ngjarë të zemërojë Moskën dhe – thonë zyrtarët.
Zyrtarët e NATO-s i thanë CNN se diskutimet për anëtarësimin e Suedisë dhe Finlandës në bllok janë tashmë janë një çështje serioze që nga pushtimi i Rusisë. Zyrtarë të lartë të Departamentit të Shtetit të SHBA thanë se çështja doli në takimin ministror të NATO-s të kësaj jave, ku morën pjesë ministrat e jashtëm nga Stokholmi dhe Helsinki.
Qeveria finlandeze do të paraqesë një dokument sigurie, për diskutim parlamentar të mërkurën që përfshin një anëtarësim të mundshëm në NATO.
“Kjo i jep Parlamentit tani një mundësi për të diskutuar të gjitha aspektet e anëtarësimit të mundshëm në NATO ose zgjidhje të tjera të sigurisë. Dhe më pas bazuar në atë debat, sigurisht, qeveria do të nxjerrë përfundimet së bashku me Presidentin e Republikës”, u thaministri i Jashtëm Pekka Haavisto gazetarëve përpara takimit të Ministrave të Jashtëm të BE-së në Luksemburg.
Haavisto tha se ishte “e rëndësishme” që Suedia fqinje po ndjek një “proces të ngjashëm” për i cilin do të marrë kohë. “Por sigurisht që ne shkëmbejmë informacione gjatë gjithë kohës dhe, shpresojmë, nëse marrim lloje të ngjashme vendimesh, ne mund t’i bëjmë ato në të njëjtën kohë”, tha ai./Opinion.al
